Վրաերթ՝ Կոտայքի մարզում․ Նոր Գեղիում 49-ամյա վարորդը «Shacman» բեռնատարով վրաերթի է ենթարկել 16-ամյա հետիոտնի․ վերջինը Աբովյանի հիվանդանոցից տեղափոխվել է «Ուիգմոր» բժշկական կենտրոն․ բժիշկները պայքարում են երեխայի կյանքի համար

Մի շարք լրատվամիջոցների հրապարակումների համաձայն՝ Ժամը 15:05-ի սահմաններում Նոր Գեղի բնակավայրի կենտրոնական փողոցում 49-ամյա Լենոր Վ․-ն իր վարած «Shacman» մակնիշի բեռնատարով վրաերթի է ենթարկել հետիոտն, Կոտայքի մարզի բնակիչ 16-ամյա Գ․ Ս․-ին։ Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, ահազանգել է շտապօգնություն և օպերատիվորեն ժամանած շտապօգնության բժիշկների հերթապահ խումբը վրաերթի ենթարկվածին տեղափոխել են «Աբովյան» բժշկական կենտրոն, որտեղից՝ «Ուիգմոր Քլինիք» բժշկական կենտրոն։

Տեղեկությունը ներկայացվում է սկզբնաղբյուրի հաղորդման հիման վրա և AI News-ի կողմից անկախ հաստատված չէ։