Դեպքեր
Օրվա օրակարգըՎերջին լուրերը
Սարսափելի շղթայական ավտովթար ԱՄԷ-ում. 23 մեքենայի վթարից հետո բռնկված հրդեհի հետևանքով 14 մարդ զոհվել է, 30-ը՝ տուժել
Ըստ «NEWS.am (հայերեն)»-ի՝ Արաբական Միացյալ Էմիրությունների արևելքում գտնվող Ֆուջեյրա էմիրությունում բեռնատարի մասնակցությամբ շղթայական ավտովթարի հետևանքով 14 մարդ է զոհվել, 30-ը՝ վնասվածքներ ստացել, հայտնում է BBC News-ը՝ հղում անելով երկրի ՆԳՆ-ին։ Վթարը տեղի է ունեցել տեղական ժամանակով կեսգիշերին մոտ՝ էմիրության մուտքի մոտ, դանդաղ երթևեկության պայմաններում։
Աստանայում փողոց են նետել դոլարներով ութ ճամպրուկ․դեպքը կարող է կապված լինել պետական ընկերությունների ղեկավարների ձերբակալության հետ․ՏԵՍԱՆՅՈՒԹ
Ըստ «Factor TV»-ի՝ Ղազախստանի իրավապահ մարմիններն առայժմ չեն մեկնաբանում Աստանայի բնակելի համալիրի հարևանությամբ փողոց նետված գումարներով ճամպրուկների մասին տեղեկությունները։ Ենթադրվում է, որ տեղի ունեցածը կարող է կապված լինել պետական «Սամրուկ-Կազինա» հիմնադրամի վարչության նախագահ Նուրլան Ժակուպովի և «Ղազախստանի երկաթուղի» ազգային ընկերության ղեկավար Ելժաս Օտինշիևի՝ կոռուպցիոն գործի շրջանակում ձերբակալության հետ։
Դատարանը վերանայել է Բորժոմիում հետիոտնին վրաերթի ենթարկելու համար նշանակված պատիժը
Ըստ «Ալիք Մեդիա»-ի՝ Թբիլիսիի վերաքննիչ դատարանը չեղյալ է հայտարարել Բորջոմիում հետիոտնի վրաերթի գործով դատավճիռը։ Վրաստանի դատախազությունը հայտնել է, որ ճանապարհային երթևեկության կանոնների խախտման տուգանքի փոխարեն մեղադրյալը դատապարտվել է 10 տարվա ազատազրկման՝ սպանության փորձի համար։
🎥 Վալոդյա Գրիգորյանի սպանության գործով մեղադրյալ Գեւորգ Հարությունյանը սկանդալային ցուցմունք տվեց
Ըստ «Առավոտ»-ի՝ Երեւանի ընդհանուր իրավասության քրեական դատարանում Մուշեղ Արամյանի նախագահությամբ շարունակվեց Փարաքարի համայնքապետ Վալոդյա Գրիգորյանի եւ ոստիկանության աշխատակից Կարեն Աբրահամյանի գործով հիմնական դատալսումների փուլը, որի ընթացքում հարցաքննվեց մեղադրյալներից Գեւորգ Հարությունյանը։ Վալոդյա Գրիգորյանի շահերը ներկայացնող փաստաբանը փորձեց հարցադրումներով մեղադրյալի օգնությամբ ճշգրտել 2025 թվականի սեպտեմբերի 23-ին տեղի ունեցած սպանությանը նախորդող եւ հաջորդող իրադարձությունների ժամանակագրությունը եւ մեղադրյալի հնարավոր մասնակցությունը։ Տեսանյութը կարող եք դիտել սկզբնաղբյուրում։
ԱՄՆ-ում հանցագործությունից 25 տարի անց մահապատժի են ենթարկել սիրուհու ամուսնուն սպանած տղամարդուն
Ըստ «NEWS.am (հայերեն)»-ի՝ ԱՄՆ-ում մահապատժի են ենթարկել 73-ամյա Ջեյմս Պավատին, որը դատապարտվել էր 2001 թվականին իր սիրուհու ամուսնուն սպանելու համար, հայտնում է Associated Press-ը։ Մահապատիժն իրականացվել է մահացու ներարկման միջոցով՝ հինգշաբթի, Օկլահոմա նահանգի Մաքալեսթեր քաղաքի բանտում։
Wizz Air-ը Եվրոպային կոչ է անում համատեղ պայքարել ռումբի կեղծ ահազանգերի դեմ
Ըստ «Ազատություն»-ի՝ Wizz Air-ի ղեկավարը կոչ է արել Եվրոպային համակարգված պայքարել ռումբի տեղադրման կեղծ ահազանգերի դեմ։ «Եվրոպային անհրաժեշտ է անվտանգության հարցերում առավել համակարգված մոտեցում և կառույց, որը կղեկավարի «հիբրիդային պատերազմի» դեմ պայքարը՝ ռումբի տեղադրման վերջին կեղծ ահազանգերից հետո»,- հայտարարել է հունգարական Wizz Air ավիաընկերության գործադիր տնօրենը։
Նյու Յորքում շենքի փլուզման հետևանքով զոհերի թիվը հասել է հինգի․ AP
Ըստ «NEWS.am (հայերեն)»-ի՝ Նյու Յորքի Բրուքլին թաղամասում եռահարկ շենքի փլուզման հետևանքով զոհերի թիվը հասել է հինգի։ Այս մասին հայտնել է Associated Press (AP) գործակալությունը։
🎥 Շղթայական ավտովթար՝ Երեւանում. 4 մեքենա է բախվել իրար, կա 1 վիրավոր (վիդեո)
Ըստ «NEWS.am (հայերեն)»-ի՝ Այսօր՝ նոյեմբերի 12–ի ցերեկը խոշոր, շղթայական ավտովթար է տեղի ունեցել Երեւանում՝ Հյուսիս–Հարավ ավտոճանապարհին։ NEWS.am—ի թղթակիցը հայտնում է, որ 4 մեքենա է բախվել իրար, բարեբախտաբար զոհեր չկան, սակայն կա առնվազն մեկ վիրավոր։ Տեսանյութը կարող եք դիտել սկզբնաղբյուրում։
