Դեպքեր

Ծեծկռտուք՝ Վայոց ձորի մարզում․ Եղեգնաձորում 14 և 15 տարեկան աղջիկները վիճաբանության ժամանակ հարվածներ են հասցրել 3 անչափահաս աղջիկների, նրանցից մեկը վնասվածք է ստացել

Ըստ SHAMSHYAN.com-ի՝ Նոյեմբերի 3-ին վիճաբանություն և ծեծկռտուք է տեղի ունեցել Վայոց ձորի մարզում։ Այդ օրը ՀՀ ներքին գործերի նախարարության ոստիկանության համայնքային ոստիկանության գլխավոր վարչության Եղեգնաձորի բաժնում օպերատիվ տեղեկություններ են ստացվել, որ ժամը 15:50-ի սահմաններում Վայոց ձորի մարզի բնակիչ 14-ամյա Մ․ Հ․-ն և 15-ամյա Մ․ Դ․-ն Եղեգնաձոր քաղաքի Վայքի և Նարեկացու փողոցների խաչմերուկում ծագած վիճաբանության ժամանակ ոտքերով և ձեռքերով հարվածել են Վայոց ձորի մարզի բնակիչ 15-ամյա Մ․ Ս․-ի, 15-ամյա Է․ Հ․-ի և 15-ամյա Ա․ Ֆ․-ի մարմնի տարբեր հատվածներին, ինչի հետևանքով Մ․ Ս․-ն ձեռքի շրջանում ստացել է մարմնական վնասվածքներ։ Տեղեկությունը ներկայացվում է սկզբնաղբյուրի հաղորդման հիման վրա և AI News-ի կողմից անկախ հաստատված չէ։